短髮造型设计技巧
2020-07-27
【日系编髮】上两个星期同大家分享过，日本今个夏季最流行嘅髮型，就係短髮。之但係，剪短后，又会烦恼唔知点set造型好，只剩下千篇一律嘅内捲。日本杂誌《LDK》今期请来日本星级髮型师，教你轻鬆打造多种短髮造型，再解决大家对剪短髮嘅问题、疑难。即睇髮型师教学！剪短髮最担心啲咩？
杂誌向读者进行咗意见调查，询问读者关于「唔想剪短」嘅理由。最多人回答嘅理由，有以下几点：
1）显得脸大
2）感觉好难设计造型
3）感觉会削弱女性魅力
4）不知为何总觉得不合衬
以上种种原因，日本髮型师都认为只係误解！只要知道正确嘅短髮造型设计技巧，你就马上想剪短头髮了！
Q：「Bob」同「Short」有咩分别？
A：后脑部分残留嘅头髮较厚的就是「Bob」。比起长度，其实更加以髮尾嘅厚度判断。后脑部分髮尾较厚嘅，就係「Bob」，沿头形修剪嘅，则多称为「Short」。
Q：头髮长度到咩程度为之「Bob」？
A：长至锁骨为止都是「Bob」的类别。虽然根据唔同髮型师，定义可能会有出入，但一般而言，长至锁骨都係「Bob」嘅一种，长过锁骨就係中长髮。
Q：好想剪短，但怕剪得唔好会后悔⋯⋯
A：由于係定义範围较广嘅髮型，剪嘅时候必须提供印象图片！髮型师表示，长度、剪法、风格都非常多变，单纯只讲想剪「Bob」嘅话，係无法正确判断要点剪，所以剪时，记得要带同参考印象图畀髮型师睇！
Q：剪短会显老？
A：留长髮时，使头顶部分扁塌更显疲惫老态！头顶部分头髮带有丰盈感，大胆剪至稍呈圆，贴脸嘅髮线则呈直线，令脸部线条更俐落，望落更年轻有活力。
Q：髮型有丰盈空气感会显得脸大？
A：仅头顶同耳侧打造丰盈空气感便可。「轻盈」同「俐落」嘅平衡好重要，如果成个头咁吹出空气感，好容易会显得脸大，所以仅头顶同耳侧营造空气感便可，耳侧感觉轻盈嘅话，可令下巴同头部显细。
Q：唔识用捲髮棒嘅话，点算好？
A：改变风筒嘅使用方法就OK！
Step 1：逆向吹
由髮尾向髮旋方向，边用风筒吹，边用手指分拆开头髮。
Step 2：将髮线扭成螺旋状
由头顶取起一小束头髮，扭成螺旋状至髮尾，再由髮根开始吹乾。
Step 3：抓着髮束吹
后脑部分嘅头髮，由髮根开始抓着髮束，束起髮束后，用风筒吹。
只要将头顶嘅头髮髮根吹起，即使唔用直髮夹或捲髮棒都可以同样造到丰盈效果。头髮吹乾到一定程度后，可以从反面，又或后方开始吹。将头髮扭成螺旋髮束后再吹造型，可增加丰盈层次感。
Q：分界无论如何都会令头髮好扁塌⋯⋯
A：将直线嘅分界变成斜分，就可拥有丰盈感头髮分界！有时头髮扁塌嘅问题，可能係因为分界太过划一。将头髮中央嘅分界部分，拨部分头髮到另一边，好似要将中间嘅明确分界隐藏起来咁，适当地进行斜向分界，不单止令头髮更有丰盈空气感，亦更有潮流感。
Q：只係正面整理好就足够了吧？
A：从正面睇嘅就只有自己！减龄嘅技巧在于后脑！亚洲人后脑偏扁塌，如果唔喺后脑营造出空气感，会令人望落觉得疲惫，后脑头髮营造至具有分量感，可有效提升知性美。
Q：头部边个部分唔应该整出丰盈感？
A：头部两侧同后颈要抑制丰盈感！头顶同耳侧就要营造丰盈感，而头侧同后颈嘅头髮自然俐落，可有效营造小脸效果。而且，后颈头髮俐落啲，可以令颈部线条更幼长。
Q：短髮感觉会显得脸大⋯⋯
A：露出颈部、后颈线条其实能提升小脸效果！中间分界嘅「Bob」头难免带有些微土气印象。将髮尾再修短，并将分界以8:2比例分开，可令脸看起来细了一圈。再配合长刘海形成嘅阴影，令脸看起来更清爽，线条更分明。
Q：总是不自觉就会将头髮挂耳，会唔会令脸显大？
A：想看起来有小脸效果，就只将头髮轻轻挂一边耳！将头髮内侧挂上耳仔，外侧嘅头髮轻轻放到耳上，就可有小脸效果！
Q：眉形係现时流行嘅平行眉⋯⋯
A：将额头阔度伸展开嘅角度非常重要！亚洲人相对比欧洲人嘅五官轮廓冇咁立体、突出，再画平行眉嘅话，会令脸看起来更不立体。调整眉嘅角度可令脸更有精神，五官更显俐落。
Q：刘海要点整先显得脸小？
A：长刘海嘅，就将刘海吹起，短刘海嘅，就营造透风感。长刘海紧贴脸部会强调咗脸容，将刘海由髮根起吹起，营造空气感，可令脸显得更立体，阴影亦有助营造小脸效果。短刘海方面，刘海过厚嘅话，会显得笨重。将部分刘海拨开，露出少许额头，能令脸看起来线条更俐落清爽。
Q：想侧面都有小脸效果嘅话？
A：剪至前长后短！希望侧面都有小脸效果嘅话，请髮型师沿下巴线剪至前长后短嘅短髮，可令侧脸线条更立体。
Q：出去玩，冇任何工具喺身边时，都能立即造到嘅技巧？
A：将头髮集中至颈、脸边，可显颈幼＆小脸。
Q：受损头髮都能剪成「Bob」？
A：将受损髮尾剪走，就能提升头髮整体嘅光泽感！
Q：头髮有光泽感嘅话，有咩好处？
A：集中光源，可令皮肤状况看起来更好！唔少人以为头髮嘅光泽感源于「水分」，但其实并非水分嘅问题，而係「光的折射率」。头髮可使光源集中，令肌肤看上去更明亮。相反，头髮乾旱毛燥会使得肌肤亮度看起来暗淡。
Q：除咗剪头髮，仲有冇其他潮流造型？
A：可从髮尾着手，用捲髮棒随意捲出不同造型，都可轻鬆打造年轻感髮型。
Q：剪短头髮后，感觉唔适合着好女性化嘅装束⋯⋯
A：短髮可以将V领同深色服装穿出更女性化嘅感觉！长髮会将锁骨同颈部线条隐藏咗，着深色服装时，亦会令头髮似同衣服混成一体，短髮就恰好可以击退呢啲问题！
Q：受损头髮可透过头髮护理修补吗？
A：最好方法係剪走。已受损髮丝无论用几咁高级嘅护理产品，都无法完全恢复。与其执着受损头髮，不如注重多啲新长出嚟嘅头髮。
Q：剪短咗係咪就无法编髮？
A：可绑头髮、夹起、放下等等，短髮嘅编髮技巧更精彩！
刘海 → 将刘海分界换边就能改变整体感觉！头髮无法束起嘅话，一直都係同样髮型，睇耐咗都闷亲自己啦！咁嘅话，就由头髮分界着手，乾脆斜向分成8:2分界，就可以营造出成年人嘅性感感觉。
绑髮 → 将头顶部分头髮拉出高度，喺后颈、耳边留下髮丝，係现时非常受欢迎嘅造型！
1：从两侧随意抓起头髮，隐藏头髮分界线。
2：耳边头髮刷上髮蜡，将内侧髮丝挂到耳后，外侧髮丝轻轻盖住耳朵。
3：在后颈同耳边位置留下少许髮丝，然后决定绑髮位置。
4：用橡筋束好后，将头髮逐点拔鬆，调整丰盈感。
外捲 → 日本流行嘅外捲造型，一个唔小心就会变成动漫人物般嘅感觉。髮型师嘅解决方法係，沿头部至颈部线条捲曲头髮便可。要注意整体平衡感，而非只着重髮尾鬈曲程度。
用髮夹固定→ 直向分界嘅话，将头髮分开左、右、头顶共3束，髮量多嘅可分成4束，会更容易固定。
1：将头髮随意分成3束，先将其中一束向中央位置，往同一方向扭动。
2：用髮夹固定。其余2束均同样做法，髮夹嘅固定位置最好重叠到同样位置。
3：用一只手按着髮夹附近位置，另一只手逐点逐点将头髮轻轻拔鬆，调整丰盈感。
4：如有鬆脱出嘅头髮，可用髮夹将前端勾起，按进髮束中。
1：勾起一束头髮，扭成条状后，用髮夹固定，为头髮增加动感。
2：扭动髮束后，固定位置不对称就OK！营造出冇造作感。
3：有头髮鬆脱出或有散开嘅话，可用髮夹前端勾起髮丝，将头髮按进髮束中。
髮夹选择→ 推荐金色髮夹！任何髮色都适合。
使用髮蜡 → 冇时间又绑又夹的话，直接用髮蜡产品等将头髮向后顺，即可有造型感！
热门文章
![[改装]Give me Wagon!! Saab 9](/cl/rand_img/lyx2jgdbp0h.jpg)
[改装]Give me Wagon!! Saab 9
![[改装]Oh My Car！车要怎样改？](/cl/rand_img/luggnmnpsg1.jpg)
[改装]Oh My Car！车要怎样改？
![[改装]条子和改装玩家](/cl/rand_img/pjqhb0eqzsu.png)
[改装]条子和改装玩家